Cebuano News: 400 ka mga baka, gipanghatag sa PCA sa mga mag-uuma'g lubi sa Bohol

TAGBILARAN CITY, April 12 (PIA)--Ang Philippine Coconut Authority (PCA) nihatag og 400 ka mga baka ning bag-o lang sa mga mag-uuma og lubi sa lalawigan sa Bohol.

Matud pa ni PCA Agriculturist ug Information Officer Jose Allan Cajilog, kining proyekto ubos sa Livestock Integration Component sa KAANIB Enterprise Development Project (KEDP).

Gawas pa niini, ang PCA nakahatag na usab og 41 ka mga baka ug 21 ka mga kabaw ubos sa mao lang gihapong proyekto sa mga niaging tuig.

Karon, gi-doble pa ang gidaghanon sa mga gipanghatag nga kahayopan kun itandi sa ning-aging mga tuig nga nakatabang sa pagsaka sa kita sa mga Bol-anong mag-uuma og lubi, matud pa ni Cajilog.

Ang 400 ka mga baka gipangapud-apod sa 17 ka community-based organization sa nagkalain-laing KEDP sites sa Bohol.

Ang Adlawan MPC sa Adlawan, lungsod sa Valencia nakadawat og 21 ka mga baka; Catmonan MPC sa Catmonan Calape -11; Untaga MPC sa Untaga, Alicia – 30; Buenavista MPC sa Buenavista, Carmen – 23; Choco Hills SCFO sa Buenos Aires, Carmen – 8; Baang MPC sa Baang Catigbian – 30; Cogon MPC sa Cogon, Balilihan – 40; Tanday MPC sa  Tanday Corella – 32; Poblacion 2 SCFO sa Poblacion 2, Sikatuna – 26.

DICPMPC sa Taongon, Can-andam, Dimiao – 28; Cabog MPC sa Cabog, Clarin – 20; Katarungan MPC sa Katarungan, Ubay – 32; Libertad MPC sa Libertad, Tubigon – 30; Zamora Farmer’s Association sa Zamora, Bilar – 26; Cogon Norte SCFO sa Cogon Norte, Loon – 10; Candungao Coco Farmers Association sa Purok 5, Candungo, San Isidro – 24; ug  Behind the Clouds sa Batuan – 9. (ecb/PIA7-Bohol)

News Feed:

https://pia.gov.ph/news/articles/1020885
Latest News | Philippine Information Agency