Cebuano News: Aplikasyon alang sa SHS Voucher Program sa DepEd, gibuksan na
TAGBILARAN CITY, June 29 (PIA) -- Gibuksan na sa Hunyo 29, ang pagpangdawat og aplikasyon alang sa Senior High School (SHS) Voucher Program sa Department of Education (DepEd).
Alas 12:00 Lunes sa udto gisugdan na ang pagpangdawat og aplikasyon sa DepEd pinaagi sa http://ovap.peac.org.ph.
Ang SHS voucher program usa ka financial assistance program sa buhatan alang sa mga kwalipikadong Grade 10 completers nga gustong makatapos sa SHS sa private schools, state universities and colleges (SUCs) ug local universities and colleges (LUCs).
Kinahanglan lamang i-andam ang mga mosunod nga requirements: bag-ong 2×2 colored ID photo, proof of financial means sa mga ginikanan o guardian, gilagdaang parent's consent form alang sa mga aplikanteng 18 anyos paubos sa oras nga isumiter ang aplikasyon, ug certificate of Financial Assistance nga gipagawas sa tunghaan (kun applicable lamang).
Gitakda ang deadline sa pagsumiter og aplikasyon sa Hulyo 24, 2020, apan mahimong iduso ang mga dokumento hangtod sa Oktubre 30, 2020.
Samtang sa Agosto 14, 2020 usab ang posting sa resulta sa aplikasyon sa DepEd.
Gipahinumdom usab sa buhatan nga ang mga mosunod nga Grade 10 completers sa SY 2019-2020 awtomatikong kwalipikado alang sa SHS VP ug dili na kinahanglan pang mo-apply: gikan sa mga pampublikong tunghaan sa DepEd, gikan sa SUCs ug LUCs, ug ESC grantee gikan sa mga pribadong tunghaan. (ecb/PIA7-Bohol)
News Feed:
https://pia.gov.ph/news/articles/1046144
Latest News | Philippine Information Agency
Philpar