Kinaray-a News: DILG Antique nagagamit kang ‘StaySafe.ph contact tracing app’
SAN JOSE, Antique, Abril 21 (PIA)- - Ang Department of Interior and Local Government- Antique nagagamit run kang opisyal nga ‘contact tracing app, StaySafe.ph’ sa andang opisina.
Suno kay Information Officer Judy Mae Magdato sa sangka pahayg, ang amo dya nga application ukon app madali magamit kang nga bisita kag empleyado kang DILG para mag report kang andang pamatyag,ukon istado sa ika-ayong lawas kag para makata-o kang comprehensibo nga contact tracing report.
“Ang paggamit kang StaySafe.ph app ginpatuman kang Inter-Agency Task Force para mapasanyog ang contact tracing kag madali makita ang sangka tawo nag nagadara kang COVID-19 virus,” hambal ni DILG Antique PD Cherryl P. Tacda.
Dya nga lihuk ginhimo man para madura ang kahangawa kang mga empleyado kag bisita nga naga-agto sa opisina kang DILG.
Ang tanan nga empleyado kang DILG kag mga bisita kun sanda mag-agto sa DILG dapat ma download nanda ang StaySafe.ph app sa anda mga telepono kag sabtan ang deklarasyon tuhoy sa istado kang anda ika-ayong lawas.
Ginhambal man ni Sajo nga ang may Android ukon Apple mobile phone makadownload kang app nga libre. Para magamit ang app sanda maga scan kang QR code sa DILG Antique kun sanda magsulod gamit ang andang telepono.
Kang Marso 29, 2021, ang StaySafe.ph Application System ginta-o sa DILG kang Multisys Technologies Corporation para gamiton bilang digital contact tracing application kang gobyerno para sa sangka husto kag parehas nga pagreport kang contact tracing sa pungsod.
Si PD Tacda nagpanugyan sa publiko sa paggamit kang StaySafe.ph sa pag-update sa andang ika-ayong lawas para mapunggan ang pagrapta kang COVID-19. (DILG/PIA-Antique)
News Feed:
https://pia.gov.ph/news/articles/1072923
Latest News | Philippine Information Agency
Philpar