Maasin City nakadawat og prohekto sa pagpananom og mushroom ubos sa Bayanihan 2

MAASIN CITY, April 21  (PIA) -- Ang siyudad sa Maasin nakadawat og  mushroom production nga prohekto ubos sa Bayanihan 2 sa COVID-19 nga tabang sa mga mag-uuma pinaagi sa Office of the City Agricultural Services (OCAS). Mao kini ang pahayag ni OCAS Officer In Charge Virgilia Barrientos dili lang dugay.

Atol sa  pagpahigayon sa Media Briefing kaniadtong Abril 14,  gipahayag ni Barrientos nga mokabat  og 20 ka mga mag-uuma gikan sa siyudad sa Maasin ang nakahimo sa pagpa-ilalom og duha ka adlaw nga bansay-bansay kaniadtong Marso 23-25, 2021 didto sa Maasin City Nursery didto sa Barangay Rizal.

Lakip sa maong tabang sa Bayanihan mao ang pagtukod og Mushroom House didto sa Rizal Nursery, matud ni Barrientos.

Nga sa tibook probinsya sa Southern Leyte, bugtong ang siyudad sa Maasin ra ang nakatagamtam niini kay kini alang lamang sa mga siyudad nga mga lokal nga pangagamhanan, matud niya.

Dugang niyang pasabot nga madali lang ang pagpatubo og mushroom sulod sa usa hangtud duha ka bulan lamang nga panahon.

Og kini mabaligya og tag P320 kada kilo, matud ni Barrientos.

Ang maong tanom makahatag og nutrihina nga protihina kon mahimo nga hulip sa protihina nga makuha gikan sa karne, dugang niyang pahayag.  (ldl/esg/PIA8 SoLeyte)

News Feed:

https://pia.gov.ph/news/articles/1072904
Latest News | Philippine Information Agency