Cebuano News: DTI mohimo ug “cloth weaving training” alang sa PWDs

 

DUMAGUETE CITY, Agosto 19 (PIA)—Mopaambit og mga bansaybansay ang buhatan sa Department of Trade and Industry (DTI) sa Negros Oriental ilabi na sa livelihood training sa “cloth weaving” alang sa katawhan'g may kabilinggan sa panglawas kon "Persons with Disabilities"(PWDs). 

Matud ni DTI Provincial Director NImfa Virtucio kini nga kalihokan usa sa mga “interventions” sa DTI nga motukod ug pasilidad para sa proyektong "cloth weaving"aron himoong bags ug sling bags, 

Dugang ni Virtucio "daghang ga gama og bag  apan ang raw materials gikan pa sa laing lugar nga medyo mahal na ang presyo niini, apan kung aduna nay matukod nga pasilidad maka menos na sa presyo."

Kining plano sa DTI nga livelihood training sa PWDs una nga nahisgutan ni Rhea Eso-Culminas sa DTI-Negosyo Center office atol sa gipahigayong Kapihan sa PIA forum niadtong bulan sa Hulyo subay sa kasaulogan sa National Disability Prevention and Rehabilitation (NDPR) month.

Si DTI-Dumaguete Negosyo Center officer Rhea Eso-Culminas mipahibalo nga ang DTI nangita og pasilidad nga mahimong “production area” alang sa PWD weavers.

Sa kasamtangan adunay plano nga adto sa lokal nga parish sa barangay Junob tukoron ang pasilidad apan kinahanglan pa ang dugang pagtuon alang sa maong plano.

Nakigdugtong usab si Culminas sa City Social Welfare and Development Office (CSWDO) ug ni Councilor Bernice Elmaco, chairperson sa Sangguniang Panlungsod Committee on People with Special Concerns alang sa maong proyekto. 

Pahibalo ni Culminas, usa kini ka dakong kalamboan alang sa mga kababayen-an ug PWDs nga madugangan ang ilang abot aron usab molambo ang ilang panginabuhi. 

Panapos ni Virtucio kini nga proyekto mahimong salmotan sa tanang miyembro sa PWD federation sa Dumaguete City ug sa pundok sa PWDs gikan sa mga silingang lungsod sa dakabayan. (lpp/PIA/Negros Oriental)

 

 

 

 

 

   

 

 

 

 

 

 

 

News Feed:

https://pia.gov.ph/news/articles/1026180
Latest News | Philippine Information Agency