Cebuano News: PCL Camiguin chapter nipili sa bag-ong opisyales

CAMIGUIN, Aug. 20 (PIA)--Aron sa pag-institusyonal ug usa ka nationwide nga forum nga gahatag ug kinabuhi ug bili sa konstitusyonal nga mandato sa lokal nga awtonomiya ug decentralizaiton sa gahum, ug pagdayag sa nagkalain-laing hilisgutan sa legislasyon, ang Philippine Councilor's League (PCL) sa Camiguin nipili sa ilang bag-ong mga federation officers sa Villa Paraiso Resort and Apartelle. 

Ang bag-ong PCL Camiguin Provincial chapter nga mga opisyales gilangkuban nila Shella G. Babanto, president; Teresita R. Malaton, vice-president; Fe Rachel Tabamo-Lumbay, secretary-general; Norgene L. Ceniza, treasurer; Carlito N. Sagocsoc, auditor; Neil John B. Yangco, public relations officer; Nelpher C. Catacutan, business manager. 

Ang Provincial Federation Directors mao sila Christina T. Loquias, Stanley K. Planco, Virgilio F. Lacerna, Rex Anthony S. Vivares, Argentino E. Sabacajan, Jr., Domyleo P. Dadang, Rajah Rex V. Tabalba, and Ramil L. Bayucot.

Tungod kay wala'y nipugong sa mga gipili, ang pagboto, pag-tabulate ug canvass sa pagboto malinawong napahigayon. 

Ang eleksyon gipangunahan sa PCL COMELEC nga gilangkuban nila DILG Provincial Director Rhona G. Pedraza-Abadilla, Sangguniang Panlalawigan Secretary Carolyn T. Lagumbay and SB Member of Guinsiliban Charita R. Ayuban.

Si PCL Provincial Chapter President-elect Shella G. Babanto nagpasalamat sa pagsalig ug suporta nga gihatag sa iya ug uban sa napiling mga opisyales, siya galaum nga ang mga legislators sa Camiguin mamahimong maayong mga kaabag sa local chief executives sa pagsiguro nga makatubag sa panginahanglanon ang mga legislations sa LGUs. (DILG10/PIA10)

News Feed:

https://pia.gov.ph/news/articles/1026544
Latest News | Philippine Information Agency