Cebuano News: Mga isyu sa 'trafficking' gituki sa PIACAT
DUMAGUETE CITY, Setyembre 8 (PIA) -- Mga miyembro sa Provincial Inter-Agency Council Against Trafficking (PIACAT) sa Negros Oriental mituki sa mga mitumaw nga isyu kabahin sa “cross-checking passengers” sa mga menor de edad nga mo byahe.
Ang Department of Labor and Employment (DOLE) ug ang Voice of the Free Foundation, Inc. (VFI) mihisgot sa proseso diin gi rekomendar sa DOLE ug VFI nga mopanday sila ug balaod alang sa mga menor de edad nga ga planong mo biyahe, gawas ug sulod sa nasud.
Sa gihimo nga pag balik-tanaw sa “minutes of the meeting” nakita nga ang PIACAT mipasar sa resolusyon nga mag assign ug usa ka social worker sa airport aron mosusi ug mo inspeksyon sa” travel documents” ug clearances sa mga menor de edad nga mo byahe.
Base sa maong resolusyon, nga nag require kini ug clearance ug permit sa mga mo byahe nga menor de edad, “pending submission” pa kini sa Sangguniang Panlalawigan.
Kini gihimo sa probinsya sa Negros Oriental agi ug pag suporta sa “national and global campaign” batok sa human trafficking.
Base sa kasamtangang rules and regulations kinahanglan nga mag butang ug social worker sa airport aron makatabang sa law enforcement unit aron mo susi sa mga gikinahanglang dokumento sa mga bata nga mosakay sa eroplano.
Kini nga patakaran ipatuman sa PIACAT aron malikay ang menor de edad nga ma biktima sa human trafficking ilabi na sa mga mo biyaheng mag inusara ug walay kuyog nga ginikanan.
Sa kinatibuk-an ang “human trafficking in person” usa ka buhat sa “recruitment, transportation, transfer, or receipt of persons by means of threat or coercion, abduction, fraud, deception, abuse of power or compensation with or without the consent of the person for the purpose of exploitation.” (lpp/PIA7/Negros Oriental)
News Feed:
https://pia.gov.ph/news/articles/1026688
Latest News | Philippine Information Agency