Cebuano News: CSC: Giingon nga mipasar na sa exam bisag wala makakuha sa PPT sa Marso, fake news

Nipasidaan sa publiko ang CSC batok sa nikatap nga “fake news” nga ang mga gitakdang mokuha sa Marso 15 nga pasulit sa career service examination, awtomatikong hatagan og civil service eligibility. (Hulagway sa CSC FB)

TAGBILARAN CITY, May 14 (PIA) -- Nipasidaan sa publiko ang Civil Service Commission (CSC) batok sa nikatap nga pekeng balita o “fake news” nga ang mga gitakdang mokuha og pasulit sa Marso 15 sa career service examination, awtomatikong hatagan og civil service eligibility.

Kini human nikatap ang balita nga giingong gi-anunsiyo ni Presidente Rodrigo Duterte niadtong Mayo 1 ang awtomatikong pagpasar sa mga professional ug sub-professional levels.

Gibarugan sa CSC nga dili mahimong ihatag ang civil service eligibility sa mga wala pa nikuha sa aktuwal nga pasulit.

“Thus, the CSC has no existing policy considering examinees of the Career Service Examination as “passed by virtue of incidental factors or circumstances such as the COVID-19 pandemic,” pahayag sa ahensya.

Kahinumdoman nga gi-suspendir sa CSC ang pasulit sa professional ug sub-professional levels nga gitakda untang ipahigayon sa Marso 15 tungod sa  krisis sa coronavirus disease 2019 (COVID-19). (ecb/PIA7-Bohol)

News Feed:

https://pia.gov.ph/news/articles/1041860
Latest News | Philippine Information Agency