Cebuano News: Drayber, konduktor magpasa ug inadlawang log sa byahe sa Camiguin

CAMIGUIN, May 8 (PIA)—Aron adunay rekord ang mga pasahero nga gapanakayan ug pampublikong trasnportasyon sa kalsada ug aron mas dali ang contact tracing kung man gani adunay kaso sa coronavirus disease (COVID)-19 diri, ang pangagamhanang lokal gi-require ang mga drayber ug konduktor nga maghimo ug inadlawang pag-log sa ilang mga byahe. 

Pinaagi sa Executive Order No. 23, ang barangay ug munisipyo kinahanglang siguruon nga aduna’y rekord sa mga pasahero nga gapanakayan sa pampublikong sakyanan sa gitakdang loading ug unloading nga mga lugar.

Ang mga pasahero kinahanglang mugamit ug face mask sa tanang panahon nga anaa sila gawas sa ilang panimalay ug kinahanglan usab nga kuhaon nila ng plate o body number sa sakyanan nga ilang gisakyan, ang petsa ug oras sa ilang byahe, ug ang ruta nga ilang giagian.

Kinahanglan usab nga ang mga pasahero muhatag sa ilang panglan ug adres sa balay sa drayber o konduktor.

“Public land transportation operators shall display this reminder inside their vehicles (Ang public land transportation operators kinahanglan nga mag-display niining pahinumdom sulod sa ilang mga sakyanan),” giingon ni Gob. Jurdin Jesus Romualdo.

Gidugang sa gobernador nga ang kalihukan sa mga tao sa probinsiya limitahan lamang sa pagpalit ug gikinahanglang palaliton ug serbisyo, ug pag-adto sa trabaho sa mga sektor o establisemento nga gitugutan mag-operate. (RTP/PIA10)

News Feed:

https://pia.gov.ph/news/articles/1041298
Latest News | Philippine Information Agency