Cebuano News: IATF MEID, DOTr nagpanday sa mga giya pagpabalik sa byahe

CORTES, Bohol, May 20 (PIA) -- Alang sa lugar nga naa sa ilawom sa General Community Quarantine (GCQ), mahimo na nga buksan ang mga byahe sa pangpasaheroan nga eroplano, barko ug mga sakyanan basta mosubay kini sa lagda nga gitala sa the Department of Transportation (DOTr) ug sa Inter-Agency Task Force for the Management of Emerging Infectious Diseases (IATF-EID).

Ang lagda, nasukip sa Omnibus Public Transport Protocols ug Guidelines nga naglangkob sa pagbyahe sa yuta, dagat ug kahanginan, segun pa sa DOTr.

Pananglitan, alang sa panakyanan sa kahanginan, gitugotan na ang mosunod nga mga lupad ubos sa mga lugar nga naa sa GCQ: Government ug military flights; International flights basta nahasubay sa kasamtangan nga IATF-EID/Bureau of Quarantine (BOQ)  protocols.

Tugutan na usab ang air ambulance ug lupad alang sa medical supplies; flight check ug weather mitigation flights, maintenance ug utility flights, emergency flights, domestic flights gikan sa mga lalawigan ug syudad nga ubos usab sa susamang GCQ subay usab sa mga rekisitos sama sa airport clearances ug aprobado nga flight plan lakip na ang uban nga lupad nga aprobado sa IATF-EID.

Hinuon, dinhi niining tanan, obligado ang tanan sa pagsul-ob sa face mask, face shield ug uban pang Personal Protective Equipment (PPE).

Kadtong mga pasahero nga may valid nga travel documents lamang ang tugotan sa pagsulod sa airport samtang pugos pa gihapon ang pagkuha sa e sa pagsulod sa pasahero sa airport, segun sa DOTr.

Gidason usab sa mga tinugyanan nga ang social distancing ipatuman gihapon sulod sa mga tugpahanan samtang ang proseso sa pagseguro sa seguridad himoon pinaagi sa "no contact means" ug dili lamang limitado sa paggamit sa walk through x-ray machines, portable scanners, handheld metal detectors, aron wala nay kapkap sa mga security personnel nga maoy us aka paagi sa pagtakod sa sakit.

Sama sa regular nga mga byahe, ang mga pasahero mahimong makabitbit sa sulod sa eroplano sa maximum allowable hand carried bags o items lamang.

Sa mga tugpahanan, segun pa sa DOTr, ipahimutang ang COVID-19 Rapid Testing facilities ug kini dumalahon sa mga kwalipekado nga healthcare providers.

Magtumbok usab ang matag airport sa disinfecting facilities sa mga terminals, ug naa didto ang hunawanan o alcohol nga magamit sa tanan.

Sa mga pultahan sa airports, ipahimutang gihapon ang mga tumbanan nga tinambalan (foot baths) lakip na usab sa gawasanan sa mga pasahero ug mga trabahante, tripulante sa mga eroplano, ug sama nga tumbanan sa tanang boarding bridges o diin ang paseho mokanaug gikan sa eroplano.

Gilagda usab sa DOTR nga kinahanglang maghimo og regular nga pagpamatay kagaw (disinfection) sa tanan nga pasilidad ug ekipo  sa tugpahanan sama sa mga lababo, mga permi magunitan nga mga lugar, wheelchairs, trolleys, ug countertops.

Ipabansiwag usab didto sa lokial nga mga tinugyanana ang safety precaution posters ug uban pang sumbanan alang sa kasanihan ilabi na sa mga lugar sa airport nga sayon rang mabasahan sa tanan.

Dungan niini, padayon nga ipublikar sa airport flight information systems ang health guidelines, sama usab sa kanunay nga pagpahinumdom sa katawhan pinaagi sa public announcements.

Segun pa usab sa mga tinugyanan, maghimo usab ang kagamhanan sa mga digital enablers sama sa websites/Mob Apps/On-ground Kiosk) ug mga komunikasyon dunganan usab sa mga giprograma nga kasayuran nga ipaagi sa tanan nga platforms sama sa social media ug mainstream media aron lamang walay makaingon nga wala gayud masayud sa palisiya.

Kadtong nga pasahero nga moabut ug kadtong mogikan, kinahanglang mo fill-out sa electronic Health Declaration ug Passenger Locator Forms, segun pa sa DOTr. (rahc/PIA-7/Bohol)

News Feed:

https://pia.gov.ph/news/articles/1042273
Latest News | Philippine Information Agency