Cebuano News: P100K kontribusyon para RPOC aprobado na

DAKBAYAN SA BUTUAN, May 11 -- Pinaagi sa Sanggunian Resolution No. 180-2020, giaprobahan sa Sangguniang Panlalawigan sa Agusan del Norte ang P 100,000.00 financial contribution alang Regional Peace and Order Council kun RPOC 13 human gihatagan og otoridad si Gob. Dale B. Corvera alang sa pagpirma sa Memorandum of Agreement (MOA).

Ang paghatag otoridad giaprobahan pinaagi sa Sanggunian Resolution No. 180-2020 sa pagpaningkamot ni Bise Gobernador Ramon A G. Bungabong, tsirman sa Committee on Finance and Appropriation, atol sa ilang ika-37th sesyon regular niadtong Abril 13.

Ang nasangpit nga kontribusyon gamiton alang sa ilang galastosan sa operasyon niini alang tuig 2020.

Basi sa nauyonan sa ika-4th Quarter Meeting niini niadtong Disyembre 11, 2019, nga ang probinsyal ug city governments sa Caraga Region maghatag og pondo nga nagkantidad og P 100,000.00 matag usa sa RPOC pinaagi sa RPOC sekretaryat alang sa ilang operasyon.

Subay sa Executive Order No. 773-2009, ang RPOC ang naguna nga konseho gimandoan nga maghatag usa ka forum sa inter-disciplinary dialogue ug deliberasyon sa mga dagkong isyo nga makaapekto sa kalinaw ug kahapsay ug seguridad sa publiko sulod sa ilang natad sa hurisdiksyon. (LGU Agusan del Norte/PIA Agusan del Norte)

News Feed:

https://pia.gov.ph/news/articles/1041466
Latest News | Philippine Information Agency