Kabatan-onan, gidayeg ni Gov. Emano, Sec Andanar

MISAMIS ORIENTAL, May 8 - Dalaygon uyamot ang gihimo sa kabatan-onan sa Misamis Oriental taliwala ning pagsulay nga giatubang karon sa tibuok kalibotan, tungod wala sila mihunong sa pagdasig sa ilang kaugalingon aron mahimong produktibo bisan tuod hugot ang panawagan nga magpuyo sulod sa balay.

Hilabina ni Sangguniang Kabataan Federation President ug ex-officio Board Member Kerwin Soldevilla ug Provincial Youth and Development Officer Allyn Penalosa tungod sa ilang pagpangulo sa nagkadaiyang kalihukan sa kabatan-onan bisan sa hulga sa coronavirus disease 2019.

Nakita sa Gobernador ang kaikag sa duruha sa pagpahigayon og kalihukan alang sa kabatan-onan, hilabina sa bag-ohay pa lang nga online poster making contest ug online spoken contest nga nahimong malampuson kaayo.

Bisan si Press Sec. Martin Andanar nakadayeg sa nasangpit nga kalihukan. Siya nagkanayon nga makabuhi sa dugo nga makakita ug makadungog nga dunay kabatan-onan dinhi sa Pilipinas nga nagpahigayon sa susamang kalihukan. (Misamis Oriental Provincial Office)

News Feed:

https://pia.gov.ph/news/articles/1041299
Latest News | Philippine Information Agency