Ilokano News: Grupo dagiti babbai, produktibo ditoy Nueva Vizcaya

Impakita dagiti Rural Improvement Club (RIC) members dagit produktoda a pangipaay suporta ken panagrang-ay dagiti pamilyada iti kallbes nga RIC Day sadiay Bayombong, Nueva Vizcaya.# PIA Photo

BAYOMBONG, Nueva Vizcaya , Oct. 31 (PIA) – Nangiwayat idi kalman iti maysa nga Rural Improvement Club (RIC) Day dagiti sector ti babbai ditoy a probinsia tapno inda ipakita dagiti produktoda.

Ti RIC Day, sigun kenni Cristina Sampaga, pangulwen ti RIC Provincial Federation ket  kada tawen a maaramid tapno  aglangen-langen  dagiti naduma-duma nga RIC ti  15 nga ili ti probinsia ken maipakita dagiti naduma-duma a produktuda.

“Ti RIC ket organisasyon a kangrunaan dagiti babbai nga mangayat a mangted serbisyo ken tulong ti pamilya ken kadagiti umili a marigrigat,” linuna ni Sampaga.

Sigunpay kenkuana, adun dagiti nagballaygi nga panggedan dagiti RIC ti kas kuma kadagiti map-apit nga nateng, prutas, processed foods ken daddumapay nga produkto a mailako.

Innayunpay ni Sampaga nga adun dagiti kaduada nga naikkan pammadayaw manipud Department of Agriculture(DA) gapu kadagiti napipintas nga produktoda.

Ti naiwayat nga RID Day sadiay provincial capitol iti daytoy nga ili ket dinar-ayan met dagiti oficiales ti provincial government nga indaulwan ni Board Member Patricio Dumlao,Jr. nga isu’t chairman ti Committee on Agriculture iti Sangguniang Panlalawigan .

Kinuna met ni Dumlao nga dagiti produkto dagit RIC iti mangipakita nga nausar nga umno dagiti inted a tulong iti provincial government  tapno maikkan ti puunan ken panggedan dagiti RIC members.

“Sisasagana ti provincial government tapno mangted kadagiti masapul nga tulong dagiti RIC members tapno agbalinda nga katulongan ti probinsia a mangpasayaat ti kalidad ti biag dagiti Novo Vizcayanos,” Kinuna ni Dumlao.# (MDCT/BME/PIA 2-Nueva Vizcaya )


News Feed:

https://pia.gov.ph/news/articles/1029470
Latest News | Philippine Information Agency

Comments