Cebuano News: CSC, mikanselar sa tanang nahabiling exams karong tuig tungod sa COVID-19  

Pinaagi sa CSC Resolution No. 2000596, gipahibalo sa Civil Service Commission nga gikanselar nila ang written career service examination karong tuig tungod sa COVID-19 pandemic. Gikanselar sa Civil Service Commission (CSC) ang written career service examination karong tuig tungod sa coronavirus disease 2019 (COVID-19) pandemic.

TAGBILARAN CITY, June 20 (PIA) -- Padayon nang gikanselar sa Civil Service Commission (CSC) ang written career service examination karong tuig tungod sa coronavirus disease 2019 (COVID-19) pandemic.

Sa gipagawas nga pahibalo sa buhatan pinaagi sa CSC Resolution No. 2000596,  kini tungod matud pa kay giidili pa ang mga mass gatherings ug kalisod sa transportasyon mao nga nadesisyonan sa buhatan nga kanselahon na ang mga nahabiling pasulit.

Kanselado na ang Career Service Examination-PPT (Professional) ug Career Service Examination-PPT (SubProfessional).

Apil na usab nga kanselado ang Fire Officer Examination, Penology Officer Examination, Basic Competency on Local Treasury Examination nga ipahigayon unta karong Hunyo 21.

Kanselado usab ang Intermediate Competency on Local Treasury Examination, Pre-Employment Test, Promotional Test, Ethic-Oriented Personality Test nga ipahigayon unta sa Oktubre 11.

Gitakda sa 2021 na ang kanseladong Professional ug SubProfessional CSE-PPT niadtong Marso 15. (ecb/PIA7-Bohol)


News Feed:

https://pia.gov.ph/news/articles/1045297
Latest News | Philippine Information Agency

Comments